雖然唔係皇馬球迷
不過見到佢地(特別係卡卡)踢得咁爽
肯定賞心悅目
睇佢地第一個入波既時候仲以為睇緊巴塞
既然奧斯爾可以於國家隊夾到葛斯組成雙核心陣式
無理由於皇馬夾唔到卡卡
摩連奴主打4-3-3陣式
所以多數只用一個進攻中場
不過多得迪馬利亞表現下滑
一個介乎4-2-2-2以及4-2-3-1既陣式應運而生
初步睇效果肯定吸引
不過中後場其實都俾左阿積士幾多空間同埋機會
加上對手始終唔係一線勁旅
新陣既戰鬥力始終仲係評估階段
場波肯定係卡卡最搶鏡
不過對家既基斯甸艾歷臣其實都唔錯
迪基拉根本睇佢唔住
佢肯定係勞特立兄弟後最好波既丹麥球員
知道另一邊既曼聯幾乎主場輸俾巴素利
費sir真係應該慶幸今場只係歐聯分組賽
講到口都臭
佢地條防線根本穿晒窿
踢咁耐英超只失兩分
只係多得前線著火同埋迪基亞近兩場開始0黎料
執靚條防線絕對係費sir今季成敗既關鍵
當中里奧費甸南復出後既表現形同毒瘤
如果佢再佢改善
大鑊既肯定仲有英格蘭
赫特慘俾拜仁球員練靶怒射既無奈
將會於歐國盃決賽週再次出現
p.s.:
首輪歐聯分組賽推介左薩格勒布戴拿模鋼門基拿華
今次想講既又係另一個弱旅出好龍門既例子
佢就係之前踢阿美利亞
尋晚有9個save既巴西龍門迪亞高艾維斯
其實尋晚先係佢第一次為華倫西亞於正式比賽把關
絕對係一戰成名
既然古亞達前6場把關都唔見得特別勁
巴西仔隨時靠今次上身既表現而上位
一旦做到華倫正選
絕對有助佢爭取入選成為大國腳
原來佢咁既人才
歷年來原來只係入選過巴西奧運隊
3 comments:
有睇番皇馬入波
第一球真係好正
完全拍得住巴塞
當然其實有時覺得佢地球員
相對上狀態無巴塞球員咁穩
而唔洗失波又只係靠卡斯拿斯
我都只係睇番入波既精華,
三球都好靚,
同卡卡都有關,
特別係入第一球既6個ONE TOUCH傳球,
好耐冇見摩連奴教既球隊有這種類似巴塞式的入球
To: 舒利亞 & sammysir
1)
其實摩連奴已令皇馬防線有少少進步
至少試過成功死守過巴塞
當然進步空間依然仲係好大
2)
佢地中前場截擊既效率仲係比唔上巴塞
人地既美斯,沙維等人一旦失左波
就會即刻去死追對手
但C7,賓施馬等人始終比較少咁做
3)
巴塞式入波其實近月亦曾出現於
曼聯,曼城,拜仁以及皇馬等強隊身上
Post a Comment