1)
華加斯以及奧奴夏都被傳係阿仙奴既新後衛人選
而佢地亦繼續同加利卡希爾扯上關係
Comment:
當華美倫以及佐羅都就快約滿
雲加既當務之急係同佢地傾續約
特別係只要冇傷冇病就幾信得過既前者
另一方面,雲加做嘢有時真係慢幾拍
報導指佢兩個同埋雲佩斯,禾確特以及艾沙維亦係就快約滿
印象中後者既合約仲只係會到季尾
教授搞到自己得咁少時間去做定兩手準備
蝕底既佢係佢同埋隊波
2)
紐卡素被指睇中蒙彼利埃射手基奧特
而當時人亦表示有興趣轉戰英超
Comment:
大抵食過翻尋味
紐記繼續法甲化都唔意外
這名6呎3吋高既射手平均3場入1球
去到英超仲得唔得就係後話
3)
AC米蘭,熱刺以及魯賓卡山都被指有興趣羅致尼格度
Comment:
AC米蘭同埋熱刺既前線都唔算特別等人用
未必真係肯為佢洗錢
而如果就算有閒錢
紅黑兵團應該買既位置係防中
而熱刺等住用既其實係中堅
P.S.:
林智健驚喜登場
唔覺佢好似講波佬講到咁勁
不過總算不過不失
另一方面,就算足總搵佢踢國際賽
佢都要放棄德國國藉後再入藉香港
機會又似乎唔多大
4 comments:
隨住巴亞同貝斯開始合拍
前鋒既壓力稍減
不過仍然希望有一個速度型既前鋒加盟
暫時隊中前鋒多數係大隻衝撞
但速度技術只係普通
有香港人係頂級賽事登場
緊係會吹大d既
不過當新領隊上任
佢仲有無得出
就真係一個疑問
To: 舒利亞
柏巴巴亞同埋貝斯都有一個共通弱點
就係穩定性唔夠
佢地輪流入波固然好
最怕佢地一齊死火
香港唔接受雙重國籍咩？
點解要放棄德國國籍？？
如果香港真係好似大陸咁
唔容許雙重國籍
我唸唔好浪費
叫定台灣足協做野先
To: wtssoccer
1)
中國肯定唔接受雙重國藉
如果唔係陳昌源就唔會俾中國足協reject啦
印象中佢最後都選擇左代表中華台北
2)
香港作為中國既一部份
應該都唔容許雙重國藉
好似好多外援其實到港7年或以上
連永久居民身份證都攞埋
就係因為唔肯放棄本身國藉
而唔可以代表中國香港出賽
Post a Comment