想講尋晚兩場波......
唔知主辦單位點樣編排賽程
荷蘭同埋巴西尋晚先踢16強
就要星期五晚踢8強
早一日踢16強既德國同埋阿根廷
反而遲一晚先踢8強
尋晚兩強都似乎因為咁而有所留力
荷蘭羸波絕對正路
畢竟斯洛伐克戰鬥力平平
有得入16強都係多得意大利屎到離譜
場波最大得著係睇到洛賓開始上力
佢有必殺射球之餘
亦比養傷既雲達華治更加幫到球隊
至少唔會成日不安本份移入中路同史尼達爭波踢
今屆既荷蘭比往年更重攻守平均
絕對有利爭標
不過佢地中路始終有隱憂
希丁加同埋馬菲臣唔夠制空力之餘
佈越位亦有問題
下場隨時走甩法比安奴
尾場巴西羸波亦係正路
畢竟佢地唔驚對手同佢地鬥攻
表現好左都應該同多左進攻空位有關
智利就又係前面冇殺手,後面冇防守既例子
中後場冇3個正選固然大鑊
比爾沙索性以攻為首都唔難理解
但前線繼續欠缺可靠既埋門一腳就當然偷唔到雞
當然蘇亞素冇波入都係冇運
p.s.:
下屆是是但但台終於肯出手?
係又唔錯
2 comments:
禮拜五睇荷蘭對巴西
反而小弟著數@_@
今年暫時好睇既都唔係名牌對名牌
希望今場有水準
小弟會稍看好荷蘭
p.s.
下次都要四年後....
好遠.....
To: 舒利亞
1)
覺得荷蘭整體攻力勁過巴西
不過前者進攻亦俾左空間卡卡同埋羅賓奴發揮
而法比安奴既狀態亦好過雲佩斯少少
而雙方後防都有少少不穩
羸波關鍵會係後防表現
巴西輸蝕防中
但荷蘭既4人防線同埋龍門都差過巴西
所以睇高巴西少少
2)
4年好遠?
有確實日期就得啦
(今次唔係講緊真普選......)
Post a Comment