想講歐聯分組賽
幾個月前已經講過
寧願唔買阿歷士山齊士或者法比加斯
都想巴塞搵返個好中堅
佢地主場咁樣俾AC米蘭逼和就真係現眼報
雖然過程真係有啲冇運
不過都無咩好怨
布斯基斯被形容為踢法最似哥迪奧拿
同樣係技術,速度,體能同埋制空能力都好一般
偏偏靠食腦去聯繫中後場既球員
哥迪奧拿幻想下如果佢自己生得高大少少
十幾年前可唔可以踢中堅
就知道搵布斯基斯去踢中堅係幾咁大鑊
而踢中堅以及防中所要求既位置感亦點都有啲唔同
布斯基斯亦明顯適應唔到中堅位置
佢既拍檔馬斯查蘭奴雖然位置感一流
不過就算可能已經報大數都只係得1米74
哥迪奧拿以及蘇比沙烈特既當務之急就係於1月前物色到新中堅
否則以佩奧爾以及碧基既健康狀況
後防中路開窿隨時係佢地衛冕失敗既催命符
另一方面,尋日有人問起點解尼斯達可以忽然回勇
其實道理好簡單
佢上星期搞唔掂高路斯同埋施斯係因為體能問題
但AC米蘭對巴塞時幾乎全民旨衛
尼斯達只要於唔大既防守區域睇定來踢
根本開正佢既強項
另外想講國米
佢地往往於AC米蘭順風順水既時候
就偏偏諸事不順
只係睇過佢地羸形勢輸波既精華
不過其實齋睇出場名單已經嚇親
忽然用個新仔之餘
仲要收起腳風大順既迪亞高米列圖
接手以來3場正式比賽全敗
雖然莫拉堤例牌話冇唸過炒加斯伯連尼
不過怕且後者落台會仲快過上季既肥賓
p.s.:
要推介一個龍門俾大家
佢就係薩格勒布戴拿模既基拿華
體育新聞剪輯左皇馬11次攻門
除左入波,擦柱同埋射中人各1次之外
其餘全數俾佢撲晒
睇到即刻聯想起上年世界盃既安耶馬
8 comments:
弱隊向來出門將
一點都不奇怪
中華台北的門將都好強
因為總是被別人一直練一直練XD
To: wtssoccer
真係咁勁?
咁佢地又有冇打算效法陳柏良到港甲發展?
Blacky,
中華隊以前的主力門將叫呂昆錡
曾經去日本社會隊踢球
不過最近已沒入選中華隊了
現在的幾名國門年紀都比較小
還有待磨練呢
To: wtssoccer
明白
謝甚
Blacky
突然想起就問一下
上次的稿後來怎樣?
另外
上次介紹你認識的朋友跟我講
有雜誌社準備要在台灣出足球雜誌
可能以後還有需要你幫忙的地方
To: wtssoccer
謝拉德冇聯絡過小弟呀
小弟其實都想知佢有咩意見
佢冇聯絡過你？
嘩...
唔知道當中有咩失誤
我啱啱打電話俾佢
佢話會加你FB
再同你傾下
To: wtssoccer
其實小弟好耐之前已經add左佢
不過見佢冇搵小弟傾上次篇稿
就當已經 fail 而唔好意思問佢有咩意見
Post a Comment