想講阿仙奴大炒波圖......
主隊冇晒近兩任隊長
艾蒙尼亞又明顯只係替工
賽前小弟曾經唸過
冇一個大佬輩領軍既影響其實仲大過首回合輸1:2
加上 match preview 提及兵工廠踢歐洲賽
原來已經有32年未試過靠次回合反勝
點睇都唔算係好有韌力既球隊
不過波圖後防兩度送禮就或多或少抵銷左這兩方個負面因素
佢地雖然冇因為後防兩度送禮而亂晒陣腳
仲一度為復任正選既艾蒙尼亞帶來麻煩
不過總比數由領先變落後始終係鐵一般既事實
而佢地追唔返1:2亦埋下越輸越多既伏線
賽後英國傳媒自然將職業生涯首次連中三元既賓特拿捧到上天
英國太陽報仲話要為一直勁插大舊衰而向佢道歉
不過佢幾年先有一場代表作
唔足以令小弟將佢既負面評級上調
最令小弟最有好印象既其實係拿斯尼
佢先護空門令球隊唔使俾波圖追成1:2
否則冇經驗既小兵肯定進退失據
之後以一敵三既金球仲正式解決左波圖
而艾沙維同埋伊保爾亦都有料到
5個入波有3個都關前者事
不過美中不足冇波入
唔能夠趁機重建信心入波
而後者只係踢左半個鐘
就先後扭過龍門入波同埋搏到12碼俾賓特拿埋齋
查實佢前後咁多位都踢得
雲加千祈唔好為左慳錢而益左巴塞
p.s.:
1)
場波既精華:
http://sports.i-cable.com/uefa/ucl/videoPlay.php?video_id=879
2)
拜仁入到8強
除左多謝奧維保既黑哨再現
仲要多謝洛賓既神來之筆
條友如果唔係超級玻璃腳
戰鬥力同埋身價都應該唔會低過列貝利
4 comments:
絕對同意
笨特拿始終係大舊衰
老實講句
呢3個入球冇什麼難度(12碼算罰得幾好)
前兩球都係做最簡單的事情
換轉任何一名前鋒都做到
睇睇今日既朗尼
就知咩係頂級
笨特拿或者仲有進步空間
但頭槌要再練好D
用腳入波始終唔係佢強項
我亦同意拿斯利踢到識飛
不過佢始終受限位置跟費比加斯重疊
而且,波圖的防線實在太斯文
換轉任何一支英超對手
未入禁區已經勾低佢
To: wtssoccer
1)
同朗尼相比
賓特拿明顯低幾班
人地矮佢一截
原本比較弱既頭槌而家都勁過佢
2)
賓特拿以前既爆炸力其實應該唔差
佢係丹麥青少年組別60米同埋100米既紀錄保持者
不過唔知點解佢近年慢慢變左高大衰
有高度但冇頭槌
個人仲因為太大舊而唔多靈活
3)
不過雲加唔識用賓特拿都係問題
佢早兩年竟然曾經講過
賓特拿累積經驗後有潛質學到柏金既踢法
而雲加亦似乎為左令佢融入球隊
刻意要佢多左上腳同埋負責側擊
4)
路斯基其實同拿斯尼
都係去左兵工廠之後多數冇機會踢中場中
5)
波圖唔止對拿斯尼人慈
對艾沙維都好客氣
小弟期待賓特拿既進步
雖然對佢印象ok差
不過始終仲有進步空間
加上大隻始終有著數
只要識充分利用
紫百合出局
真係好唔抵
特別係用左咁多心血係歐聯
攪到聯賽又唔掂
宜家歐聯仲出埋局
To: 舒利亞
1)
賓特拿如果學到真高拿或者高治8成
兵工廠前線一定勁好多
至少多左高波屈機
2)
小弟都同意費倫天拿死得好唔抵
佢地擺明搏左重歐聯而輕意甲
搞到而家意甲大 fall out
兼有梅度條衰仔累全家
佢地頂多爭取升多幾名
等下季可以踢歐霸
Post a Comment