想講摩連奴回歸史丹福橋
手信就係佢近年最精彩既針對性部署
佢大抵吸收左首回合
甚至上季俾曼聯淘汰既教訓
國米今場既效率明顯有改善
令表現失準既車路士難以組織攻勢
正所謂'無堅不破,唯快不破'
要知道意甲球隊近年俾英超球會食住
就係輸在跟唔到對手急速既比賽節奏
高效率踢法亦令中後場任何時間都夠腳防守
而兩個做唔成朋友既領隊
點樣調兵遣將亦係勝負關鍵
先講摩連奴
佢先兵不厭詐放風史尼達因傷倦勤
最終見到既當然係佢成為頂級 playmaker 既表現
而車仔今季既進攻重點係側擊
特別係兩閘後上助攻
串王就安排彭迪夫同埋伊度奧踢邊鋒去牽制對手側擊
加上辛尼迪同埋馬干又刻意減少助攻
令車仔今場側擊幾近癱瘓
咁有心思既部署
小弟同埋首回合插過佢既部份英國傳媒
睇完場波絕對要承認一時低估左串王
不過肥安今場既用人就令人失望
上場用奇兵卡奴搵到食
加上對手既盧斯奧幾日前再次俾老鼠仔玩死
肥安偏偏今場要等到74分鐘先肯變招
如果用佢取代安歷卡踢正選
或者半場用佢取代波歷克
效果肯定好好多
而杜奧巴於邊線因為冇供應而廢左一半武功
加上盧斯奧同埋森美爾兩條大隻茅柴
上回合已經證明靠陰濕招已經搞掂佢
當然國米去到史丹福橋都可以力保不失
都要多得史達克兩次都唔吹12碼
加上森美爾於聖西路更離譜既犯規都冇手尾跟
國米兩回合都受惠於球証爭議性判決亦影響戰局發展
p.s.:
如果國米8強或以後既比賽
摩連奴都有咁精彩既針對性部署
而隊波又維持到今場咁既水準
絕對唔可以睇低佢地爭標既機會
因為其他幾隊名牌而家都各有隱憂
而車仔出局最唔開心既人
除左阿巴之外都應該係費sir
只要車仔冇因為今場輸波而失晒信心
佢地可以專攻聯賽絕對係爭標既好有利因素
2 comments:
小弟早前已經認為國米出線唔係無可能
只係估唔到國米去到人地地頭
竟然仲可以全面佔優
或者呢d就係領隊功力既差別
加上國米今年加左大米、莫達、伊度奧同埋特別係史尼達
實力亦真係升左唔少
八強只要抽唔中巴塞同曼聯
好大機會有得玩落去
當然好想再睇一次
摩帥同費sir較量
To: 舒利亞
1)
睇完首回合
好難想像兩隊忽然變左另一隊波
2)
如果只計今場
摩連奴明顯擊倒肥安
肥安最離譜既係見勢色唔對
都仲要咁遲先肯出卡奴
3)
史尼達係國米中前場最重要既球員
佢為國米提供一直欠缺既創造力
4)
新加盟既重點球員其實仲有彭迪夫
佢可以踢中前場幾個位
有利摩連奴變陣
5)
如果踢到今場既水準
佢地就算對曼聯同埋巴塞都有力一戰
不過一對中堅就一定係隱憂
6)
相對於鬥曼聯
小弟更想睇國米對拜仁
因為當年雲高爾教巴塞既時候
完全漠視摩連奴既才華
不過串王就已經認定自己好有料
只係懷才不遇
這係亦佢心入面既一條刺
更唔好提既就係佢當時生活既潦倒
嗰故仔有機會再詳細講
Post a Comment