想講下近兩隊擁有卡卡既球隊......
皇馬大可以埋怨上半場羸盡形勢都只係羸1:0
而埋下輸波伏線
再死撐下半場適應唔到對手變陣就而飲恨
但實情係銀河艦隊已經連續6季16強出局
年年都似鐵達尼號咁得個華麗外殼
而講得更白既係佢地衰在防中好屎
02年係佢地最後一次羸歐聯
03年暑假貪1600萬鎊而賣走馬基里尼後
球隊中前場人腳無論幾咁華麗
都冇本事再挑戰歐聯
今場佢地話對手變陣後太勁而招架唔住
其實如果防中夠堅可以做好掃蕩兼回防既操重嘢
對手點變陣都唔使驚
偏偏今場停賽既沙比只係擅長控制節奏,長傳同埋死球
兩個迪亞拉只係比前輩馬基里尼高頭大馬
講功力就連一半都冇
段佑買卡卡既錢足以買晒馬斯查蘭奴同埋艾辛
可惜高層個心只係掛住搵錢
更唔認清明星隊從來只適合踢表演賽
各自為戰都天下無敵怕且只係打機既情景
另一邊既奧脫福就有萬人迷回歸
(精華: http://www.dailymotion.com/video/xcj4hf_manuvsacfh_sport)
不過場波未踢已經分左勝負
因為而家唔係踢沙灘足球
慢手慢腳就幾好波都係下風波
加上紅黑兵團聖西路出擊都頂唔住朗尼
作客仲冇埋尼斯達兼下半場要搵岩布仙尼去客串中堅
唔通碧咸回歸
費sir會打個折頭唔羸得咁盡咩
賽後加利安尼條擦鞋仔仲要死撐後防唔夠腳先會輸
實情係唔多肯買人
邊可能成季都齊腳
貝老冇咁多錢3線都增兵
結果頭重尾輕到離譜
近兩年既新防守球員當中只得兩個比較有名
亦只不過係零機價既費文尼
以及要尼斯達傍住先識踢波既泰亞高施華
最終唔夠腳就濫竽充數借幾件二打六
p.s.:
高層絕對有能力搞到隊波屎晒
近年捧皇馬同埋A米都幾唔開心
不過更沮喪既應該係香港球迷
跛腳鴨政府同埋無能波腫廢到街知巷聞
前者仲笨實到俾130萬搵人寫左份專題報告
顧問公司交既功課居然同網上討論區搵到既網民意見冇咩分別
仲要抵死到目標他日打入世界排名前80
都唔知點解要俾咁多錢去養班不食人間煙火既天才
左派河蟹收到份抄返來既功課
又只係官腔講幾句
聽到佢咁講真係把幾火
2 comments:
小弟主觀願望想皇馬出局
點知真係成真
估唔到里昂咁堅
又再成為黑馬
皇馬講人腳真係星中之星
可惜踢波從來唔係一定1+1=2
聯賽俾佢地追中同巴塞同分
或多或少只係因為西甲今年好多有力成為黑馬既球隊失色左
睇完第二輪國家打比
或者就知道皇馬有幾無能
p.s.
香港球迷
會在有生之年有開心既一日嗎?
其實唔難
只係要先踢走大炮德
To: 舒利亞
1)
皇馬有星味但冇合作
2)
用雲達華治加埋古迪去支援C7以及希古恩
其實出來既效果比較好
偏偏柏歷堅尼肯定有壓力唔可以收起卡卡
加上防守多數只得卡斯拿斯信得過
過得到初一就當然好睇
不過最終過唔到十五
就唔好睇兼唔好食
3)
皇馬出局後又肯定專攻西甲
以避免季尾大地震
現時巴塞輸得失球排第二
不過本身陣容亦有隱憂
而最近表現亦下滑
西甲肯定好難踢
4)
當年康律師搞得唔好
至少盤數都仲算靚仔
當時寄望佢下台換個新人總算有新希望
點知俾個'做朋友一流'既廢人接手
足運發展固然冇好到
最慘仲要係短時間內蝕突1100萬
Post a Comment