1)
韋迪指特區政府已經同意本地足總下年可以派隊參加中國聯賽
(點解波腫既嘢要經跛腳鴨政府同意?)
但就冇講明踢邊個組別
亦強調要得到亞洲足協以及國際足協既同意
而參賽球隊係咩貨色亦係問題
佢亦澄清只係話如果中國主辦世界盃
會考慮搵香港作為協辦城市
並冇講過中國申辦2026年世界盃
(即係大炮德又吹水!)
另一方面,佢亦考慮為國奧隊增加比賽機會
以增加球員經驗同埋提升水準
2)
利物浦繼續被指準備搵麥利殊或者奧尼爾接手
而托利斯表示如果利記暑假唔增兵
就算下季可以踢歐聯
亦會繼續因為傷兵問題而令戰績停滯不前
而佢暗示如果利記季尾冇積極增兵
就會考慮離隊
3)
軒迪克由於打算5月尾隨隊睇土耳其既3場熱身賽
所以已經拒絕接手科特迪瓦
4)
巴塞隆拿忽然被指有興趣從熱刺收購泰拉拔
這名20歲中場現時被外借去昆士柏流浪
5)
美職盟因為罷工而開咧無期
令當路雲可能再逗留愛華頓多一段短時間
6)
菲臘布朗離隊既賠率急降至1.4倍
7)
雖然前主席 P.Gadsby 提出收購
但係打呲郡方面表明唔會放盤
8)
夏格維斯下星期將可以再次練波
不過被外借既韋碧克就因為膝傷而好可能提早收咧
4 comments:
小弟於 3goal 開左個題目
討論本地波腫好唔好仿傚 J-League
搵返個美女做 PR
http://www.goalgoalgoal.com/thread-286472-1-1.html
點解會罷工既=.=
泰拉拔咁有料??
好似唔多覺...
p.s.
可行係可行
只係有無人會咁做又係另一回事
況且成效亦未必太大
始終未必可以太大提升港人對足球興趣
To: 舒利亞
1)
美職盟球員其實仲未落實罷工
佢地而家爭取緊更大既權利
2)
泰拉拔係有腳法
不過巴塞可能隨便搵個掃地既都勁到爆燈
你即管當吹水新聞聽下
3)
小弟都知成事機會好微
不過試幻想下如果搵到個美女PR
有周秀娜,Jessica C,Angelababy,
陳茵微,苟芸慧,陳法拉,楊洛婷,Kama......
其中一個咁既高質素
本地波既吸引指數真係會爆晒燈
Post a Comment