最近明報每日都介紹一個世界盃名將既威水史同埋退休生活
令小弟都想搵下部份英超球星近況:
1)史必
而家佢仲係錫菲聯既教練兼球員
不過佢自己都承認再出場既機會唔大
反而佢爭取時間苦練長跑
參加今年既倫敦馬拉松為波比sir旗下既慈善基金籌款
2)真路拿
近年好似冇再行天橋
可能同少少中年發福有關
不過佢簡中仲有去拍戲
更勁既係佢前年參加釀酒比賽竟然有獎攞
3)比士利
上年返左紐卡素做青訓教練
4)達比薩斯
這個當年俾柏金技術性擊倒既希臘中堅雖然已經36歲
不過仲未退休
而家係祖家球會拿利沙既隊長
5)高爾
每星期有兩日去夏德斯菲爾德做兩日兼職教練
教人埋門一腳
不過諷刺既係佢當年踢曼聯出名超敗家
6)阿倫史勿夫
唔係而家踢緊紐記既辣椒仔
而係前兵工廠當家射手
佢而家做緊球評家
不過唔知係寫波定係講波
7)迪臣
退休後去左搞生意
亦有為幾份報紙雜誌寫波經
8)史賓沙
這名曾經來過香港踢麗新既矮腳虎
現時於侯斯頓戴拿模出任助教
9)白賴仁勞特立
加盟祖家電視台講歐聯
合作拍檔仲有舒米高以及另一名宿拿臣(唔係岩岩退休嗰個)
而佢就同鶴治合作搞青少年足球訓練營
10)祖迪告魯夫
36歲既佢原來又係未退休
佢上年暑假同馬爾他球會 Valletta 簽約3年
出任球員兼助理領隊
得閒亦搵埋大佬踢元老賽
11)哥利摩亞
退休後電台同埋電視雙線發展
不過大家最有印象既始終係佢客串拍本能2
同莎朗史東搞完嘢之後被殺
12)尼高
繼續執教新英倫革命
13)艾德烈治
同人夾份搞一間名為 Aldo’s 既酒吧
據聞係愛爾蘭利迷既睇波熱點
而佢亦有復出踢地區聯賽
加盟利記球迷搞既 AFC Liverpool
p.s.:
好想搵埋柏金既近況
唔知佢仲係唔係跟尼斯堅斯教荷蘭B隊
因為好似冇咩聽過荷蘭B隊有比賽
亦唔多肯定佢仲有冇返阿積士幫手教波
知既唔該單聲小弟
4 comments:
呢班球星退休後都唔洗憂
不過某程度可能都因為佢地唔大洗?
小弟就想知
艾斯派拿、巴迪斯圖達、甚至係范大將軍既近況
To: 舒利亞
1)
只要理財唔係超差或者冇忽然橫禍
佢地根本唔憂退休生活
不過事實上亦有唔少球星退休後唔多掂
2)
近日明報都有講過艾斯派拿
同埋巴迪斯圖達既近況
艾斯派拿上年先正式退休
佢返祖家鄉下開牧馬場同埋足球學校
得閒就做真人 show 既嘉賓
不過近期佢被傳原來同販毒集團行得好埋
而巴迪高退休後已經搬左去柏斯定居
之後返祖家轉戰馬球同埋哥爾夫球
佢上屆世界盃都有為當地電視台客席講波
不過佢就表明唔考慮以教練身份重返球壇
3)
范志毅早前落實出任
中甲球會上海東亞既主教練
好呀
搵多些柏金近況
你嘅利物浦近況不俗
努力 加油
祝一切成功
To: 路斯基
1)
之後有時間一定會再搵有關柏金既近況
2)
尋晚對手係似病貓多過黑貓
所以主場羸3:0都係應份
對上一場作客奧脫福既劣作依然印象深刻
近況絕對唔可以話係不俗
爭前4依然劣勢
3)
好一句'祝一切成功'
謝!
Post a Comment